Monday, April 18, 2011

ನಿರಾಭರಣೆ

ಮಾವು ಬೇವಿನ ಜಡೆಗೆ 
ಸಿಹಿ ಹೂವ ಮುಡಿಸಿ ಬರೆ,
ಚೈತ್ರದೊಲುಮೆಯ ಮನದಿ 
                         Art--R. Tagore
ಸೌಗಂಧದಶ್ವತ್ತ ಪನ್ನೀರ ಹನಿಗಾವ್ಯ.

ಕೆಮ್ಮಣ್ಣು ಪದ ಧೂಳಿ 
ಕರಿನೀರು ಕೊರಳ ಹನಿ,
ತಂಪಿಡಿದ ಮಲಯವದು ಉಚ್ವಾಸ;
ಇಂಪಾಗಿ ಸೊಂಪಾಗಿ ಮರೆಗೆ ಬೆಳೆದಿಹೆ ಚಲುವೆ
ಕೊಚ್ಚ್ಚಿ ಹೋಗದಿರು ಕನಲಿ 
ಹುಯಿಲೆದ್ದ ಮಳೆಗೆ.

ಸ್ವಚ್ಛ ಪಟಿಕದ ಮಂಜು 
ಮುದ್ದಾದ ಇಬ್ಬನಿಗೆ 
ಪಚ್ಚೆ ಪದಕದ ಹಾರವೀ ಮುತ್ತು ಮಲ್ಲಿಗೆ ;
ಕೊಟ್ಟು ಎರವಲು ಕಂಪು 
ದುಂಡು ಮೊಲ್ಲೆಗೆ ಬಸಿದು
ಬೆತ್ತಲಾಯಿತು ಹಸಿರು ಚಪ್ಪರವು ಇರದೆ.

ಶಬ್ಧಗಳ ಪಯಣದಲಿ 
ನಿತ್ಯ ವಿಕಸನಗಳಲಿ 
ಭಾವ ಸುಮ ಮೈಮರೆವ 
ನಿರಾಭರಣೆ.