ಬದುಕು ಕಟ್ಟುವ ಭರದಿ
ತುಳಿದು ಹಾಯದಿರಿಂದು
ಅಂದು ಅಂದದಿ ಬರೆದ
ಕನಸು ರಂಗೋಲಿ.
ಭಾವಗಳ ಬಳಿ ಬಂದು
ಬರಿದೆ ನಿಡುಸುಯ್ಯದಿರಿ
ಮುಚ್ಚಿದಂತಿದೆ ಮನದ ಕದಗಳೆಂದು.
ಎಲ್ಲಿಯೋ ಮೌನದಲಿ ಕನಸು ಹೊದ್ದಿರಬಹುದು
ಅಂದು ನವರಾತ್ರಿಯಲಿ
ಇಂದು ಶಿವರಾತ್ರಿಯಲಿ
ಮತ್ತೆಂದೋ ಶ್ರಾವಣದ ಸಂಜೆಗಳಲಿ
ನೀ ಬರುವ ಹಾದಿಯಲಿ
ಮುಖ ಮಾಡಿ ಕುಳಿತಿಲ್ಲಿ
ಕತ್ತಲುಳಿಯಿತು ಕಣ್ಣ ರೆಪ್ಪೆಗಳಲಿ.
ನಿನ್ನ ಬರುವಿಕೆ ಕಾದು
ಕಾದು ತಣಿಯಿತು ಧರೆಯು
ಆಷಾಡದಬ್ಬರದ ಮಳೆಯ ನೆನೆದು..

No comments:
Post a Comment