Friday, February 17, 2012

ಬಿನ್ನಗೆ

ದೈತ್ಯ ಕರಿಮೋಡಗಳ ಹಿಮ್ಮೇಳದುಸಿರಿನಲಿ
ದಿನ ದಿನವೂ ಗರಿ ಬಿಚ್ಚಿ ಕುಣಿವ ಮಯೂರಿ. 
ಮನದ ಭಾವದಭಾವವೊಡಿಸುವ ಸುಂದರಿ. 
ಕಂಗಳಾಯಾಸಕ್ಕೆ ಪನ್ನೀರು ಚಿಮುಕಿಸುವ ಕಿನ್ನರಿ; 
ಇಂದೇಕೆ ಮರೆಯಾದೆ ಈ ಹುಲ್ಲು ಹಸಿರಿನಲಿ..?
ಬಿಕೋ ಎನ್ನುತಿದೆ ಮನ ತುಂಬಿ ನಿನ್ನ ಭಾವ ಲಹರಿ. 

ಯೋಚನೆಯ ಬಾನಲಿ ಸೂರ್ಯ ಮಿರುಗಿ ಮಿಂಚುತಲಿಲ್ಲ
ಭಾವನೆಯ ಬದುಕಿನ ತುಂಬಾ ಕಾರ್ಮೊಡವೆ ಎಲ್ಲಾ
ಕಂಗಳಲಿ ಕಾಂತಿಯಿಲ್ಲ, ಜೀವ ಜೋಕಾಲಿ ಜೀಕುತಿಲ್ಲ 
ನೀನಿಲ್ಲದಾ ಎದೆಯ ಬಯಲಿಂದು ಬಿನ್ನಗೆ;
ಎಲ್ಲಿಯೂ ಝಾಲ್ಲೆನಿಸುವ ಝಾಣ ಝಾಣ ಝೇಂಕಾರವಿಲ್ಲ 
ಇನ್ನಾದರೂ ಬರುವೆಯಾ ಹೃದಯದಂಗಳಕೆ ಠಪೋರಿ..!?

ನಾಳಿನರುಣನು ಬರುವ ನವಿರು ಹಾದಿಯ ತುಳಿದು 
ಹಸಿರು ಹಾಸಲಿ ಇಳಿದು ನಗುವ ತೋರಣ ಹೆಣೆದು 
ಮನ ಬಿಚ್ಚಿ ನರ್ತಿಸುವೆಯಾ ನಾಟ್ಯ ಮನೋಹರಿ..?

1 comment:

  1. Sadyadalle bandalu kadu nodona...baruva samaya tumba hattir bandantide :-)

    -Vinayaka Hegde

    ReplyDelete