ದೈತ್ಯ ಕರಿಮೋಡಗಳ ಹಿಮ್ಮೇಳದುಸಿರಿನಲಿ
ದಿನ ದಿನವೂ ಗರಿ ಬಿಚ್ಚಿ ಕುಣಿವ ಮಯೂರಿ.
ಮನದ ಭಾವದಭಾವವೊಡಿಸುವ ಸುಂದರಿ.
ಕಂಗಳಾಯಾಸಕ್ಕೆ ಪನ್ನೀರು ಚಿಮುಕಿಸುವ ಕಿನ್ನರಿ;
ಇಂದೇಕೆ ಮರೆಯಾದೆ ಈ ಹುಲ್ಲು ಹಸಿರಿನಲಿ..?
ಬಿಕೋ ಎನ್ನುತಿದೆ ಮನ ತುಂಬಿ ನಿನ್ನ ಭಾವ ಲಹರಿ.
ಯೋಚನೆಯ ಬಾನಲಿ ಸೂರ್ಯ ಮಿರುಗಿ ಮಿಂಚುತಲಿಲ್ಲ
ಭಾವನೆಯ ಬದುಕಿನ ತುಂಬಾ ಕಾರ್ಮೊಡವೆ ಎಲ್ಲಾ
ಕಂಗಳಲಿ ಕಾಂತಿಯಿಲ್ಲ, ಜೀವ ಜೋಕಾಲಿ ಜೀಕುತಿಲ್ಲ
ನೀನಿಲ್ಲದಾ ಎದೆಯ ಬಯಲಿಂದು ಬಿನ್ನಗೆ;
ಎಲ್ಲಿಯೂ ಝಾಲ್ಲೆನಿಸುವ ಝಾಣ ಝಾಣ ಝೇಂಕಾರವಿಲ್ಲ
ಇನ್ನಾದರೂ ಬರುವೆಯಾ ಹೃದಯದಂಗಳಕೆ ಠಪೋರಿ..!?
ನಾಳಿನರುಣನು ಬರುವ ನವಿರು ಹಾದಿಯ ತುಳಿದು
ಹಸಿರು ಹಾಸಲಿ ಇಳಿದು ನಗುವ ತೋರಣ ಹೆಣೆದು
ಮನ ಬಿಚ್ಚಿ ನರ್ತಿಸುವೆಯಾ ನಾಟ್ಯ ಮನೋಹರಿ..?
Sadyadalle bandalu kadu nodona...baruva samaya tumba hattir bandantide :-)
ReplyDelete-Vinayaka Hegde